Jinsi Beyrahrawi Ka Elaj - Sexual Perversion Cure

Iss ka Matlab Yeh Hargiz Nahi Kay Aap Bhi Inn Sab Ko Try Karein: Humney bohut si ka zikr kya hai. Iss ka yeh matlab nahi kay aap bhi inn ko try karein bul kay matlab yeh hai kay agar aap inn mein sey kisi ka shikar hain to mayoos na hon bul kay elaj karein, aap theek ho jaein gey. Iss tarhan aap iss book ko read karney kay baad apney doston aur chotey brother and sisters ko bhi better aur correct mashwara dey sakein gey. Shakhsi zindagi ka yeh aisa hidden pehloo hota hai jis mein kami baeshi sey achi khasi normal life tabah ho jati hai. Umeed hai kay parents bhi iss book ko read karein gey aur phir mukhtalif stages per apney bachon ko hasb e zaroorat educate kar sakein gey. Aap nahi karein gey to woh gali mahalley ki larkion aur larkon sey maloomaat lein gey jo kay taqreeban hamesha ghalat aur tabah kun hoti hain. Bachey tajassus ki wajah sey yeh maloomat zaroor hasil karein gey chahey ghalat hi kyun na ho. Lehaza parents khud bachon ko sahi sex information fraham kar kay na sirf inn kay fitri jazba e tajassus ki taskeen ka saman karein gey bul kay sahi rehnumaee bhi kar sakein gey. Baap betay ko aur mother beti ko yeh taleem dey. Hamarey khayal mein teachers ko bhi iss book ko read karna chahiyie takay woh apni students ki rehnumaee kar sakein. Teacher sey behter rehnuma kon ho sakta hai.