Pages

Sunday 21 August 2011

Jinsi Beyrahrawi - Transvestism

Jins e Mukhalif Kay Kaprey Pehanna (Transvestism)

Iss beyrahrawi mein insan jins e mukhalif kay kaprey pehan kar jinsi sukoon hasil karta hai. Inn mein aksariyat mardon ki hoti hai aur yeh usually passive homosexual hotey hain. America mein stay kay doran mein ney hotel mein issi tarhan ek mard ko dekha jo aurton kay khubsoorat kaprey pehney huey tha aur aurton ki tarhan makeup kya hua tha. Ek 65 saala mard sham ko apni biwi kay kaprey pehenta tha. Kuch log mubashrat (Intercourse) sey pehley jins e mukhalif kay kaprey pehentey hain warna jinsi tor per tayyar nahi hotey. Allah kay nabi Hazrat Muhammad (P.B.U.H) ney iss cheez ki sakht mukhalifat ki hai. Hazrat Muhammad (P.B.U.H) ney aurton ki mushabihat ikhtiyar karney waley mardon aur mardon ki mushabihat ikhtiyar karney wali aurton per laanat farmaee. (Bukhari)

Hazrat Abu Huraira sey riwayat hai kay Hazrat Muhammad (P.B.U.H) ney aisey mard per laanat farmaee jo aurat ki poshak pehney aur aisi aurat per laanat farmaee jo mard ka libas pehney. (Abu Dawood)

Hawas e Deed (Voyerurism)

Bohut sey log posheeda tor per doosron ko naked dekh kar jinsi lazzat hasil kartey hain. Yeh log usually dosron ko kaprey change kartey, nahatey, hatta kay mubashrat (Intercourse) karta dekh kar jinsi sukoon hasil kartey hain. Mera ek client chup kar apni sisters aur bhabhion ko nahatey huey dekhta tha.

No comments:

Post a Comment